{"id":64300,"date":"2026-04-03T06:55:11","date_gmt":"2026-04-03T04:55:11","guid":{"rendered":"https:\/\/www.outono.net\/elentir\/?p=64300"},"modified":"2026-04-22T07:22:50","modified_gmt":"2026-04-22T05:22:50","slug":"os-catro-pasos-de-gondomar-unha-sobria-e-bela-procesion-as-escuras-na-galicia-rural","status":"publish","type":"post","link":"https:\/\/www.outono.net\/elentir\/2026\/04\/03\/os-catro-pasos-de-gondomar-unha-sobria-e-bela-procesion-as-escuras-na-galicia-rural\/","title":{"rendered":"Os Catro Pasos de Gondomar, unha sobria e bela procesi\u00f3n \u00e1s escuras na Galicia rural"},"content":{"rendered":"

A Semana Santa \u00e9 unha das m\u00e1is importantes celebraci\u00f3ns do calendario cristi\u00e1n, pois rememora a morte e resurrecci\u00f3n de Cristo.<\/p>\n

'Santiago', un alegre pasodobre galego que hoxe \u00e9 unha marcha militar do Ex\u00e9rcito Espa\u00f1ol<\/a><\/rel>
\nA Marcha Solemne do Reino de Galicia, unha xoia hist\u00f3rica do patrimonio musical espa\u00f1ol<\/a><\/rel><\/p>\n

En Espa\u00f1a hai unha gran tradici\u00f3n de procesi\u00f3ns de Semana Santa.<\/strong> As que se fan en Andaluc\u00eda son moi ricas e vistosas. As do norte de Espa\u00f1a son m\u00e1is austeras. En Galicia hai cidades cunha gran tradici\u00f3n de procesi\u00f3ns de Semana Santa<\/strong>, como Ferrol e Pontevedra. Nesas localidades hai pasos moi vistosos, incluso para o que \u00e9 habitual no norte de Espa\u00f1a, e confrar\u00edas con moitos membros.<\/p>\n

<\/a><\/p>\n

Na Galicia rural tam\u00e9n se organizan procesi\u00f3ns m\u00e1is modestas, como as de Gondomar<\/strong>, unha localidade de 15.000 habitantes situada ao sur de Vigo, no val do r\u00edo Mi\u00f1or, na provincia de Pontevedra. Este municipio ten un pequeno centro urbano, pero unha gran parte da s\u00faa superficie est\u00e1 na serra do monte Gali\u00f1eiro. Unha das m\u00e1is bonitas procesi\u00f3ns de Gondomar \u00e9 a dos Catro Pasos<\/strong>, que se fai no Xoves Santo, tras a celebraci\u00f3n da \u00daltima Cea na Igrexa de Santo Benito, desde onde os pasos baixan ata o centro da localidade.<\/p>\n

<\/a><\/p>\n

O nome desta procesi\u00f3n d\u00e9bese a que nela pas\u00e9anse catro pasos:<\/strong> o de Cristo coa Cruz ao lombo, o de San Xo\u00e1n Evanxelista, o da Virxe da Amargura e o de Cristo crucificado. Non son pasos moi grandes e non hai moitas persoas para levalos<\/strong>, especialmente se os comparamos cos grandes pasos da Semana Santa andaluza, pero esta tradici\u00f3n de Gondomar mantense viva a pesar do paso do tempo. Hai nove anos que non asist\u00eda a esta procesi\u00f3n<\/strong> e salvo alg\u00fans cambios que hai habido en Gondomar, foi como viaxar ao pasado.<\/p>\n

<\/a><\/p>\n

A iluminaci\u00f3n do centro da localidade ap\u00e1gase para celebrar esta procesi\u00f3n<\/strong>, polo que se fai \u00e1s escuras, alumada tradicionalmente s\u00f3 coas luces dos pasos e as velas que portan os paisanos que acoden a este acto, e agora tam\u00e9n polas luces LED da Agrupaci\u00f3n Musical de Vincios<\/strong>, que adoita participar nesta marcha relixiosa.<\/p>\n

<\/a><\/p>\n

Para quen vivo nunha cidade ruidosa, faise sorprendente ver as r\u00faas \u00e1s escuras e en silencio levando a cabo un evento como este: unha procesi\u00f3n sobria e bela que plasma as profundas ra\u00edces cristi\u00e1s dun pobo<\/strong>. Podedes ver aqu\u00ed o v\u00eddeo da procesi\u00f3n que publiquei na mi\u00f1a canle de YouTube<\/a>:<\/p>\n