{"id":67283,"date":"2024-09-14T23:45:29","date_gmt":"2024-09-14T21:45:29","guid":{"rendered":"https:\/\/www.outono.net\/elentir\/?p=67283"},"modified":"2026-09-16T03:27:12","modified_gmt":"2026-09-16T01:27:12","slug":"o-museo-nacional-de-ciencia-e-tecnoloxia-da-coruna-e-o-boeing-747-que-hai-dentro-del","status":"publish","type":"post","link":"https:\/\/www.outono.net\/elentir\/2024\/09\/14\/o-museo-nacional-de-ciencia-e-tecnoloxia-da-coruna-e-o-boeing-747-que-hai-dentro-del\/","title":{"rendered":"O Museo Nacional de Ciencia e Tecnolox\u00eda da Coru\u00f1a e o Boeing 747 que hai dentro del"},"content":{"rendered":"

A\u00ednda que eu son de Vigo e existe unha rivalidade entre ambas as urbes galegas, debo reco\u00f1ecer que A Coru\u00f1a \u00e9 unha cidade que me encanta.<\/p>\n

A praia de Patos, o belo para\u00edso dos surfeiros na beira sur da R\u00eda de Vigo<\/a><\/rel><\/p>\n

Al\u00e9n de ter un centro hist\u00f3rico moi agradable para pasear<\/strong>, coa Praza de Mar\u00eda Pita como lugar m\u00e1is salientable, al\u00ed podedes ver cousas tan interesantes como a Torre de H\u00e9rcules<\/a> (o \u00fanico faro mar\u00edtimo de orixe romana a\u00ednda en funcionamento), a Bater\u00eda B-8 del Monte San Pedro<\/a> (con dous enormes can\u00f3ns Vickers de 381 mm), o Parque Escult\u00f3rico dos Menhires<\/a> (situado preto do citado faro e que \u00e9 un lugar que me gusta especialmente), e a Casa das Ciencias<\/a> (cuxos interesantes contidos incl\u00faen un espl\u00e9ndido planetario), entre outros moitos atractivos.<\/p>\n

<\/p>\n

O 4 de maio de 2012 inaugurouse un dos m\u00e1is recentes museos desa cidade, o Museo Nacional de Ciencia e Tecnolox\u00eda (MUNCYT)<\/a>, que ten d\u00faas sedes: esta de A Coru\u00f1a e outra en Alcobendas<\/strong> (Madrid). O museo coru\u00f1\u00e9s ten a s\u00faa sede \u00f3 oeste do itsmo da cidade, xunto \u00f3 paseo mar\u00edtimo que bordea a cidade e preto do barrio das Roseiras. A s\u00faa sede \u00e9 o edificio Prisma de Cristal<\/strong>, proxectado por Victoria Acebo e \u00c1ngel Alonso. O seu exterior ten forma de cubo de vidro e o seu interior ten a forma dunha \u00e1rbore de formig\u00f3n.<\/p>\n

<\/p>\n

O MUNCYT est\u00e1 dedicado a abordar distintos temas relacionados coa ciencia e a tecnolox\u00eda<\/strong>, para o que incl\u00fae exposici\u00f3ns permanentes e temporais, actividades l\u00fadicas, etc. Os seus contidos incl\u00faen a montaxe do primeiro aceleradora de part\u00edculas de Espa\u00f1a<\/strong>, dese\u00f1ado e constru\u00eddo na Xunta de Enerx\u00eda Nuclear cara a 1957, al\u00e9n de veh\u00edculos, m\u00e1quinas e instrumentos moi variados, sumando m\u00e1is de 15.000 obxectos<\/strong>.<\/p>\n

<\/p>\n

O maior obxecto do MUNCYT \u00e9 a parte frontal dun avi\u00f3n de pasaxeiros Boeing 747-256BM Jumbo de Iberia, o \"Lope de Vega\"<\/strong>, con matr\u00edcula EC-IAF, al\u00e9n dun dos motores Pratt & Wittney JT-9D dese avi\u00f3n, que voou por primeira vez o 12 de marzo de 1981.<\/p>\n

<\/p>\n

O \"Lope de Vega\" foi operado inicialmente por Iberia coa matr\u00edcula EC-DLD desde o 1981 ata xaneiro de 2001<\/strong>, cando foi alugado a Air Atlanta Icelandic, adoptando durante uns meses a matr\u00edcula islandesa TF-ATM, ata adoptar a s\u00faa matr\u00edcula definitiva (EC-IAF) o 23 de outubro de 2003. Volveu a mans de Iberia en outubro de 2003. O resto do avi\u00f3n foi despezado en marzo de 2009<\/strong>, segundo Airfleets.es<\/a>, despois de estar un tempo aparcado no Aeroporto de Madrid Barajas.<\/p>\n

<\/p>\n

Este venres, a excelente canle de Youtube Fly By Wire Aviation<\/a> (recom\u00e9ndovos encarecidamente que vos subscribades a el se sodes afeccionados \u00f3s temas aeron\u00e1uticos) publicou un v\u00eddeo mostrando o Boeing 747 deste museo<\/strong>, gracias \u00e1 colaboraci\u00f3n de Mart\u00edn Garc\u00eda Garc\u00eda e o testemu\u00f1o do expiloto de Iberia \u00c1ngel Becerra:<\/p>\n