O BNG denuncia a 'represión policial' coa bandeira da represiva dictadura soviética

Despois da recente violencia da extrema esquerda na Coruña, hoxe hai habido protestas para denunciar ós que a frearon.

O BNG non condena a violencia contra Vox e mesmo a utiliza con fins electorais
Violencia de ultraesquerda na Coruña co fin de impedir a Vox expresarse libremente

A coalición separatista de extrema esquerda Bloque Nacionalista Galego (BNG) e as súas mocidades, Galiza Nova (que estiveron no acto de acoso contra Vox na Coruña), convocaron protestas en varias cidades galegas contra a "represión policial", é dicir, contra a resposta da Policía Nacional, cumprindo o seu deber, contra os extremistas que recorreron á violencia na Coruña primeiro co fin de impedir un acto público de Vox, o cuarto partido máis votado en Galicia, e despois para queimar contedores pola noite en varios puntos desa cidade. Básicamente, o que pretende o BNG é que a Policía dea barra libre á extrema esquerda violenta.

A concentración do BNG en Vigo deixou unhas imaxes curiosas: nesta concentración, xunto á pancarta do BNG, exhibiuse unha bandeira comunista cun deseño moi concreto. Esa bandeira pódese ver na seguinte foto publicada polo BNG de Vigo (podedes vela ampliada pulsando sobre a imaxe):

Aquí podemos ver esa bandeira antidemocrática máis preto:

Esa bandera totalitaria tamén pode verse nun vídeo publicado por Galiza Nova de Vigo:

Esta bandeira comunista ten unha deseño e unhas proporcións moi concretas. Trátase da bandeira oficial da Unión Soviética, coa fouce e o martelo e unha estrela vermella con bordo amarelo. A URSS foi unha dictadura que durante sete décadas utilizou os métodos represivos máis brutais, asasinando a millóns de persoas por motivos políticos. Para perseguir, encarcerar, torturar e asasinar a persoas polas súas ideas políticas ou as súas crenzas relixiosas, esa dictadura soviética creou unha sanguinaria policía política, a Cheka, que serviu de inspiración á Gestapo, a brutal policía política da dictadura de Hitler.

A sucesora da Cheka, a NKVD, chegou a coordinarse coa Gestapo en 1939 e 1940, despois de que ambas as dictaduras invadisen Polonia nunha alianza entre nazis e comunistas movida polo seu odio común á democracia. É surrealista protestar contra unha suposta "represión policial" e contra o "fascismo" coa bandeira dunha dictadura que se aliou cos nazis e que levou a represión policial a uns niveis de brutalidade equiparables ós do Terceiro Reich. Isto é tan incoherente e absurdo como manifestarse contra o racismo cunha bandeira nazi.

---

Imaxes: BNG Vigo / Galiza Nova Comarca de Vigo.