A rechamante ausencia da lingua común na nova páxina web do Partido Popular de Galicia

O Partido Popular de Galicia actualizou a súa web, reducindo ata un tamaño ridículo o logo do PP. Pero hai unha novedade aínda máis rechamante que ésa.

El PP desoye al TC y margina el español a nivel oficial en un ayuntamiento de Galicia
Prohíben a un profesor utilizar el español en un conservatorio de la Xunta de Galicia

Ó entrar a esa web a través de Google apareceume unha mensaxe de error, pois a vella dirección da web en español, ppdegalicia.com/es, xa non funciona. Así que borrei o "/es/" para comprobar se hai unha nova web, e en efecto, haina. Ó acceder dende ppdegalicia.com agora a nova web, que ten un CMS Joomla, rediríxete de forma automática a ppdegalicia.com/index.php/gl/, cos contidos en galego.

Non hai ningún enlace a unha versión en español

Fixen unha copia en archive.ph para capturar os actuais contidos desa páxina. Busquei tanto na web como no seu código fonte e non hai ningunha ligazón a unha versión en español (si que a había na web anterior). A omisión é moi rechamante, pois ademáes de ser a lingua cooficial de Galicia que falamos moitos galegos, tamén é a lingua común de tódolos españois e a lingua oficial do Estado, segundo o Artigo 3 da Constitución Española. Resulta chocante que o partido que goberna Galicia nestes intres ignore así a lingua materna e de uso habitual da metade dos galegos, e máis tendo en conta o moito que insiste o PP no chamado "bilingüismo armónico", aínda que logo incurra en prácticas de discriminación do español, na súa total exclusión na toponimia oficial e na rotulación da Xunta, e mesmo na súa marxinación ilegal en ordenanzas municipais.

Si que hai una URL para unha versión en español, pero está en galego

Curiosamente, cambiando a parte "/gl/" da web en galego por un "/es/" atópome con que si semellan ter previsto unha web en español, con dirección ppdegalicia.com/index.php/es/ (outras combinacións devolven un erro 404). Sen embargo, nesa páxina o contido tamén está en galego e a diferencia é que desaparece casi todo o menú superior da web. Fixen tamén unha copia en archive.ph desta dirección para que poidades ver o seu estado no momento de redactar estas liñas. Espero que solventen esa ausencia en breve. Mantereivos informados.

Os sitios oficiais do PSdeG-PSOE, o BNG e En Marea, só en galego

Cómpre sinalar que ata o de agora, o PP era o único partido con presencia no Parlamento de Galicia cuxa web estaba nas dúas linguas oficiais de Galicia. E é que a web do PSdeG-PSOE, a do BNG e a de En Marea só están en galego. De igual xeito, a web de Podemos Galicia tampouco ten versión en español. Curiosamente, o PSOE é o partido que goberna actualmente en varias das cidades con unha máis amplia maioría de cidadáns hispanofalantes en Galicia, como Vigo e A Coruña.