O hipócrita de Touriño e a unidade de España

Confeso que estiven moi desconectado dos medios de comunicación durante esta longa ponte que tivemos en Galicia (catro días, ó seren este martes, 25 de xullo, festa na comunidade). Ó feito é que lin onte unha nova na axencia Veritas segundo a cal o socialista Emilio Pérez Touriño, Presidente da Xunta de Galicia e como representante do Rei de España na ofrenda ó Apóstolo, abogou pola unidade de España e defendeu “o camiño de acordo e convivencia que os pobos de España atoparon no gran pacto constitucional de 1978, fito inaugural dun dos períodos máis benéficos da nosa Historia común”. Ademáis, Touriño fixo unha “denuncia do terrorismo como unha das lacras que soporta a Humanidade nestes tempos difíciles e que cravou tamén as súas garras inmisericordes no corpo de España”, e mesmo falou do “quimérico intento de lograr determinados obxectivos políticos mediante o exercicio reiterado da violencia, a extorsión e o terror”.

Touriño é dirixente dun partido como o PSOE, que ven cedendo ante os asasinos de ETA dende hai moitos meses, que mira cara outro lado ante a extorsión etarra e ante os atentados desa banda terrorista. ¿Desde cándo lle importa a Touriño que ETA acade os seus obxectivos políticos? ¿En qué momento ten alzado a voz para denunciar no seo do seu propio partido a claudicación que está facendo Zapatero ante ETA?

O da unidade de España xa semella, directamente, unha broma de mal gusto. É cabreante ver falando da unidade de España desa forma ó mesmo Touriño que está a aceptar os plantexamentos dos nacionalistas radicais do BNG no novo Estatuto de Galicia, e que quere impoñernos a tódolos galegos un término de “nación” que a amplia maioría de nós rexeitamos para calificar á nosa terra, como ven de amosar unha enquisa encargada pola propia Xunta, segundo a cal só un de cada dez galegos acepta esa definición. Touriño, ademáis, quere impoñernos a todos o coñecemento obrigatorio do galego, pasando por enriba da Constitución e dos dereitos dos cidadánds. ¿É esta a idea da unidade de España que ten Touriño? ¿Cómo se pode ser tan cínico?

¡Suscríbete gratis a este blog! Xa somos máis de 5.000

Comentarios (Facebook):

AVISO: o incumprimento das Normas de Participación poderá dar lugar ó bloqueo do infractor, de tal forma que os seus comentarios quedarán ocultos para os demáis lectores.

NOTA: Debido ó cambio de URL de http a https, algúns comentarios publicados antes do 9.2.2020 no blog poden terse perdido. Lamento as molestias.

Opina sobre esta entrada:

Ó pulsar 'Enviar' aceptas as Normas de Participación.