Algunhas praias das Rías Baixas de Galicia nunha xornada de alerta laranxa no mar

Cando hai alerta laranxa na costa de Galicia non adoito achegarme ao mar, porque me gusta moito pero téñolle moito respecto.

Unhas imaxes de Galicia que lembran un consello de Tolkien: «¡Ten coidado do Mar!»
A praia de Patos, o belo paraíso dos surfeiros na beira sur da Ría de Vigo

O pasado sábado 31 de xaneiro coincidiu unha situación de alerta laranxa no mar e sen alertas en terra asina en Galicia. O sol pareceu querer saír entre as nubes e a choiva deunos un respiro despois de semanas de temporais. É o típico día para saír e ver o mar, pero sen achegarse demasiado. Estas imaxes graveinas en Panxón, Praia América e Patos, en Nigrán (Pontevedra):

Unha hora antes da pleamar o mar xa chegaba ata o muro do paseo marítimo de Panxón. En condicións normais, a liña de pleamar queda a varios metros de alí. Como podedes ver, a auga chegaba ata a beirarrúa do paseo. Lembrade sempre ser moi prudentes se ides nun día así á costa. Cando está furioso, o mar ten o costume de levar as vidas daqueles que se achegan demasiado.