Os PC-21 da Formación Mirlo debutarán nun Día das Forzas Armadas en Vigo

A semana que vén, do 26 ó 31 de maio, a cidade de Vigo acollerá os actos centrais do Día das Forzas Armadas de España.

O programa do Día das Forzas Armadas de España 2026, que se celebrará en Vigo
O Exército e a Armada na procesión do Santo Enterro da cidade de Pontevedra

Estes actos incluirán un desfile terrestre e aéreo o 30 de maio na praia de Samil, o principal areal desa cidade galega. Este evento contará coa participación de 130 vehículos, 46 avións e 25 helicópteros militases. Un dos momentos máis bonitos deste desfile será, como outras veces, a pasada dos avións do Exército do Aire debuxando as cores da Bandeira de España.

Tras a disolución da Patrulla Águila, esa tarefa recae agora na Formación Mirlo, equipada con cinco avións de adestramento Pilatus PC-21, denominados E.27 polo Exército do Aire e operados pola Academia Xeral do Aire (AGA) de San Xavier (Murcia). O Ministerio de Defensa anunciou hoxe que será o debut desta formación nun Día das Forzas Armadas, e sinalou que estes avións sobrevoarán Samil durante a homenaxe ós que deron a súa vida por España e durante o desfile aéreo:

✈️ La 'Formación Mirlo' participa, por primera vez, en el Día de las Fuerzas Armadas.

Una jornada histórica para sus integrantes, que sobrevolarán el cielo de #Vigo con los Pilatus PC-21 del @EjercitoAire, en dos momentos muy especiales.

¿Sabes cuáles son?

📹 ¡Te lo contamos! pic.twitter.com/e82cwiu5ZX

— Ministerio Defensa (@Defensagob) May 19, 2026

O debut desa formación nun desfile tivo lugar o 12 de outubro de 2025 durante os actos do Día da Festa Nacional, que se celebra anualmente na cidade de Madrid. Lamentablemente, o mal tempo desluciu ese desfile aéreo, no que só puideron voar 19 aeronaves e ningún helicóptero.

Naquela ocasión, o ceo gris tamén provocou que as cores da Bandeira de España xerados polos PC-21 non se visen en todo o seu esplendor, o que provocou algúns desgustos no público.

Nesta ocasión, as previsións meteorolóxicas para a semana que vén en Vigo dan ceos totalmente despexados desde o martes e mesmo temperaturas xa tipicamente estivais, con temperaturas máximas de entre 27 e 31 graos. Se vides ó desfile (lémbrovos que este blog publícase desde Vigo), traede crema solar. No dossier de prensa do desfile (PDF) podedes ver como serán as formacións participantes no desfile aéreo. A Formación Mirlo será a formación 18 do desfile.

A diferenza dos reactores C-101 Aviojet da Patrulla Águila, os PC-21 da Formación Merlo non poden xerar o fume cos escapes dos seus motores, xa que os turbohélices non deixan ronseis. Debido a iso, cada avión da Formación Merlo vai equipado con dous xeradores de fume Sanders Smoke Technologies SCSG-5, un modelo fabricado nos Estados Unidos.

Cada xerador SCSG-5 é unha góndola de aluminio de 2 metros de longo por 254 mm de ancho, en cuxo interior están aloxados o xerador de fume e un depósito de 7,57 litros de gasolina de aviación de 100 octanos e 37,85 litros de aceite de fume, con capacidade para operar uns 10 minutos. O SCSG-5 é compatible cos colorantes de aviación Milliken, que permiten ós PC-21 facer ronseis de fume de cores como as que trazaban os avións C-101 Aviojet da Patrulla Águila.

---

Fotos: Ministerio de Defensa / Ejército del Aire / Casa Real.