Bandeiras de Rusia e Irán nunha marcha do separatismo galego contra o Exército Español

O separatismo galego, maioritariamente de extrema esquerda, nin sequera se molesta en disimular as súas afinidades xeopolíticas.

O BNG usa contra o desfile militar en Vigo a unha plataforma en cuxas protestas se exhibiron bandeiras de Rusia e Irán
O programa do Día das Forzas Armadas de España 2026, que se celebrará en Vigo

Onte, Vigo acolleu o desfile terrestre do Día das Forzas Armadas de España. O evento foi un grande éxito de público, coa avenida principal da praia de Samil chea de xente tres horas antes do inicio previsto do desfile. A esa mesma hora, uns centos de separatistas manifestáronse no centro da cidade para mostrar o seu rexeitamento a España e ó Exército español baixo o disfraz do pacifismo. Unha participación ridiculamente pequena tendo en conta que os organizadores o enmarcaron como un evento rexional.

A marcha foi organizada pola plataforma "Galiza pola Paz", controlada polos separatistas do BNG e que inclúe a un grupo de ultraesquerida que apoia a invasión rusa de Ucraína, como xa puidestes ler aquí hai uns días.

Ese grupo prorruso, chamado "Comité Antifascista de Lourinha", exhibiu a súa participación nesa marcha de onte con estas imaxes, nas que vemos a varios dos manifestantes amosando a súa curiosa idea do pacifismo cunha pancarta contra a OTAN e bandeiras de Irán e Rusia, dúas ditaduras militaristas que levan anos atacando os seus países veciños e, no caso de Irán, financiando e utilizando grupos terroristas islamistas para sementar a guerra en Oriente Medio.

O 1 de maio, ese grupo prorruso de extrema esquerda apoiou unha marcha do sindicato separatista CIG (afín ó BNG) en Santiago de Compostela, portando bandeiras de Irán e Rusia, do mesmo xeito que fixo onte na marcha convocada pola plataforma separatista "Galiza pola Paz" en Vigo.

Máis recentemente, o 9 de maio, ese grupo de extrema esquerda prorruso participou nun acto en Vigo con bandeiras rusas e o símbolo "Z" (abaixo), empregado polos invasores rusos en Ucraína ó comezo da agresión da ditadura de Putin contra ese país democrático, e que en Rusia se converteu nun símbolo do nacionalismo ruso máis extremo. O BNG non ve ningún problema en reunir este tipo de apoio para marchas como a de onte por unha razón obvia: o seu móbil non é o pacifismo, senón o odio a España.