'A beleza de Galicia': o magnífico vídeo dun fotógrafo alemán sobre as costas galegas

@ElentirVigo ESEN 27·3·2023 · 23:31 0

Soy un gallego enamorado de su tierra. Llevo 47 años viendo sus hermosos paisajes y no me canso de disfrutar de su exuberante belleza.

Galicia mostrada por un americano fascinado polo seu mundo rural, a súa costa e a súa xente
O magnífico vídeo dun cineasta francés mostrando paisaxes do norte de España

Como galego da costa, entre os meus lugares favoritos están os faros marítimos. Galicia conta con 1.175 km de costa iluminada por 44 faros, entre eles o faro máis antigo do mundo que segue en activo: a Torre de Hércules. Fai un rato atopeime con este vídeo publicado por Turismo de Galicia hai un mes mostrando algúns deses faros:

Pero non é ese o vídeo polo que escribo esta entrada, senón outro que atopei buscando faros en Galicia en Youtube. Foi publicado polo fotógrafo alemán Dennis Schmelz hai tres anos, co título "The Beauty of Galicia" (A beleza de Galicia). Entre outras xoias, mostra o faro do cabo Fisterra, a praia das Catedrais e a fervenza do Ézaro. Pareceume un vídeo precioso, sobre todo porque amosa Galicia tal e como a vemos os seus habitantes durante boa parte do ano, co fermoso ceo cuberto tan propio desta terra (se é tan verde é pola choiva). Son dous minutos de pura poesía visual gravados a vista de dron:

Podedes ver aquí algunhas capturas de pantalla do vídeo como vista previa. Aquí está o faro de Fisterra, construído en 1853, coa súa contorna espectacular.

A praia das Catedrais, na localidade de Ribadeo (Lugo), xa a carón de Asturias.

A fervenza do Ézaro, na localidade de Dumbría (A Coruña). É a única fervenza de Europa que desemboca no mar.

E deixo o mellor de Galicia para o final: a súa xente. Os galegos rurais son os que máis conservan a antiga hospitalidade de sempre (isto o di un galego de cidade).