Os danos causados nas praias de Nigrán polo tren de borrascas que asolou Galicia

Desde o Nadal, Galicia soportou estoicamente o paso dun tren de borrascas con fortes ventos e choivas e tamén tormentas.

Algunhas praias das Rías Baixas de Galicia nunha xornada de alerta laranxa no mar
A desembocadura mutante do Muíños, un río que come dunas no sur de Galicia

Hai dúas semanas mostreivos aquí as imaxes das praias de Nigrán que gravei durante unha alerta laranxa o sábado 31 de xaneiro, durante un dos escasos respiros que nos deu ese tren de borrascas. Lamentablemente, os últimos temporais causaron danos nesta zona, que podedes ver a continuación.

O que podedes ver aquí é unha selección dunha serie de 52 fotos que subín á miña conta de Flickr. A zona máis dañana foi o paseo marítimo de Panxón, que podedes ver sobre estas liñas.

Unha das rampas de acceso desde o paseo ata a praia de Panxón. Esta mesma zona xa a vimos intacta hai dúas semanas, pero con fortes ondas.

A parte superior da mesma rampa.

A pasarela de madeira que hai no porto de Panxón con cintas indicando que está pechada. A primeira ollada parece que está todo intacto...

... pero as ondas chegaron ata aquí, levándose gran parte da area que soporta os madeiros que serven de apoio á pasarela.

Unha enorme cantidade de halgas arrastradas polos temporais ata a zona norte da praia de Panxón.

Algúns edificios tamén sufriron danos. Aquí vemos unha casa coa persiana arrincada e as cortinas rachadas polo forte vento.

As ondas chegaron ata zonas do paseo marítimo de Panxón ás que nunca chega a marea alta, arrincando parte da varanda do paseo.

A base da varanda xusto no extremo que quedou intacto. Vemos que unha das porcas foi arrincada polas ondas.

Un dos parafusos que soportaban a varanda do paseo marítimo de Panxón, dobrado.

A zona sur do paseo de Panxón, xa preto de Praia América. Colocaron valos para impedir o paso debido ós danos sufridos polo paseo.

Aquí podemos ver o interior da zona valada. As ondas chegaron ata aquí, algo sorprendente, levándose a area e provocando a caída dunha zona de duchas.edir o paso debido ós danos sufridos polo paseo.

As fuertas ondas chegaron ata a zona de dunas entre Panxón e Praia América, desbordando o río Muíños e levándose gran cantidade de area.

As borrascas foron tan fortes que as ondas chegaron ata a caseta do módulo de socorro de Protección Civil, levándose parte da area da súa base.

A rúa Cidade de Vigo, paralela ó paseo marítimo de Panxón. A calzada xa non estaba en moi boas condicións, pero as fortes choivas das últimas semanas crearon máis gretas e fochancas.

O mar arrincou unha pasarela de madeira que daba acceso á praia de Panxón desde o paseo marítimo. Isto é o que queda dela.

A duna ó lado norte da desembocadura do río Muíños, cunha chea de pedras arrastradas polo mar.

A pasarela de madeira que hai xunto ó río Muíños xa estaba esnaquizada desde hai tempo. As últimas borrascas cebáronse con ela.

O paseo marítimo de Praia América quedou enterrado pola area.