O 21 de febreiro celébrase o Día Internacional da Lingua Materna, data instituída pola UNESCO para reivindicar a diversidade cultural e lingüística.
A UNESCO instituíu este día para preservar a "diversidade das linguas"
Na súa páxina web sobre este día, a UNESCO afirma que traballa para "preservar as diferencias de culturas e linguas que fomentan a tolerancia e o respecto ós demais", e proponse como obxectivo dese día "celebrar estas formas de expresar o mundo na súa multiplicidade, a comprometerse a preservar a diversidade das linguas como patrimonio común e a traballar por unha educación de calidade –na lingua materna– para todos".
A Xunta incumpre ese obxectivo e esquécese do español
Non obstante, na súa nota de prensa sobre este día, a Xunta de Galicia só se refire á lingua galega, falando de "dinamizar o uso do galego" e afirmando a necesidade de "fomentar o uso do galego entre os máis pequenos". A propia nota do goberno galego lembra que os obxectivos desta xornada son "promover o plurilingüismo e a diversidade cultural", pero ó mesmo tempo omite calquera referencia a unha das dúas linguas oficiais de Galicia, o español, que tamén é a lingua común de toda España. Unha lingua que a Xunta marxina coa súa exclusión da sanidade galega e con iniciativas como propoñer ós nenos que non falen español durante 21 días.
Hablamos Español e Vox critican a actitude discriminatoria da Xunta
Como outras veces, só dúas entidades se atreveron a criticar este despropósito. A asociación Hablamos Español criticou este esquecemento do goberno galego e, con motivo deste día, lembrou: "En España hai moitos nenos que non poden estudiar nela porque unhas normas inxustas lles privan dese beneficio. Paremos a discriminación contra os nenos hispanofalantes". Pola súa banda, Vox Pontevedra sinalou a similitude da actitude do PP coa do BNG, os socios galegos de Bildu, e destacou que "España ten unha lingua común a todos os españois e as linguas rexionais non poden ser usadas para sustituír ó español senón como riqueza cultural, non usada como arma ideolóxica".
Feijóo prometeu para Cataluña o contrario do que fai o PP en Galicia
Como levo anos denunciando, resulta estraño e contraditorio reivindicar o plurilingüismo e a diversidade cultural e ó mesmo tempo marxinar unha das dúas linguas que falamos os galegos. Unha lingua que se fala en Galicia dende a Idade Media e cuxa presencia na nosa terra tamén se reflicte nos seus topónimos, uns topónimos en español que o Partido Popular, que goberna actualmente esta comunidade, esforzouse por erradicar, eliminando a súa oficialidade. Dáse a paradoxa de que o presidente dese partido, Alberto Núñez Feijóo, anunciou o ano pasado: "Cando goberne, o español non será lingua estranxeira en Cataluña". E iso mentres o seu partido trata así ó español en Galicia. Vaia cara.
---
Foto: Efe.
Opina sobre esta entrada: