Tras apoiar estas cousas da esquerda agora Feijóo apela ó medo dos votantes de Vox

@ElentirVigo ES 07·3·2020 · 21:18 0

As enquisas empezaron a torcérselle a Alberto Núñez Feijóo, e nótase en que pasau dunha actitude autosuficiente a apelar ós votantes de Vox co recurso máis patético: o meedo.

Se Feijóo non é nacionalista, ¿cómo explica tódalas cousas que aparecen neste vídeo?
O PP galego apoia á ultraesquerda para impoñer educación sexual dende os 3 anos

Un diario afín ó PP sinala que Feijóo necesitaría a Vox para gobernar en Galicia

Onte o diario La Razón, moi afín ó PP, publicaba unha enquisa de NC Report segundo a cal o PP estaría ó borde de perder a maioría absoluta en Galicia e tería que pactar con Vox para gobernar. Era un escenario previsible tras os resultados das eleccións xerais de novembro en Galicia, nas que Vox obtivo 114.834 votos en Galicia, o 7,8%, situándose como quinta forza. Cuns resultados como os do 10N, Vox obtería cinco deputados nunhas eleccións galegas. A cousa non será tan fácil o 5 de abril, porque ó PP tenlle saído ben apelar ó mal chamado "voto útil" ou, mellor dito, a un voto do miedo que consiste en poñer ós galegos nunha dicomotía: ou o PP ou a esquerda. Sen embargo, a experiencia doutras comunidades demostra que o PP acabou necesitando o apoio de Vox, pois este partido logra mobilizar a uns votantes que fai xa anos que é incapaz de mobilizar o PP. Pero Feijóo es incapaz de caer da burra.

Feijóo recorre ó voto do medo para atraer ós que votaron a Vox o 10N

Hoxe o diario El Mundo publica unha entrevista co presidente autonómico galego na que Feijóo minte, afirmando que "non hai un resquicio de que Vox teña un diputado en Galicia. Non o digo eu, o di a demoscopia". Isto, insisto, o di 24 horas despois de que un diario afín ó seu partido sinalara que Vox podería obter un escano. E a continuación, o presidente do PP galego engade o seguinte: "Pero Vox si pode evitar que o PP teña maioría absoluta. Se o 3% ou o 4% dos votos va a Vox, eles non van a obter escano, pero imposibilitarán que o PP de Galicia obteña ese 45% ou 46% necesario". No colmo da desvergoña, Feijóo di que o obxectivo de Vox é botarlle da Xunta e que niso "coincide cos obxectivos de Podemos, os independentistas, os nacionalistas e los socialistas". Fai falla ter cara.

As medidas progres e nacionalistas que ven apoiando o PP de Feijóo

Polo que semella, hai que recordar que o PP de Feijóo apoiou nos últimos anos as seguintes medidas propostas pola esquerda, a extrema esquierda e os separatistas:

• En xaneiro de 2014 Feijóo mostrouse contrario a derogar a ley do aborto de 2010 instaurada polo PSOE, que convirte en "dereito" a eliminación dos fillos por nacer nas súas primeiras semanas de vida e que obríganos a tódolos españois a financiar esa monstruosidade cos nosos impostos.
• En abril de 2014 o PP galego apoiou unha lei LGTB que impón a ideoloxía de xénero nas escolas e nos medios de comunicación, pisoteando o dereito constitucional dos pais a decidir a formación moral que desexan para os seus fillos. O PP aprobou esa lei xunto co PSOE, a extrema esquerda e os separatistas.
• En outubro de 2018 o PP apoiou unha proposta dos separatistas do BNG para que Galicia se una á Comunidade dos Países de Lingua Portuguesa (CPLP). Para que esa adhesión fose aceptada, Galicia tería que independizarse de España e adoptar o portugués como lingua oficial.
• En xaneiro de 2019 Feijóo mostrouse contrario a derogar a lexislación discriminatoria para os homes instaurada polo PSOE sobre a chamada "violencia de xénero", unha lexislación que ataca a igualdade ante a lei proclamada polo artículo 14 da Constitución.
• En marzo de 2019 o PP de Feijóo votou xunto ó PSOE a favor de que o galego sexa requisito para acceder a unha praza na Xunta de Galicia, unha posición oposta á que defende o seu partido a nivel nacional.
• En xuño de 2019 o PP regalou dúas alcaldías galegas ós separatistas do BNG, un partido aliado de Bildu e de ERC; foi unha acción escandalosa que Feijóo non desautorizou.
• En setembro de 2019 o PP presentou unha proposta de resolución pedindo ó Parlamento galego condear ós que discrepamos das tesis ideolóxicas da esquerda, unha proposta claramente enfocada a criminalizar a Vox e ós seus votantes, e que saiu adiante gracias ó apoio do PSOE, da extrema esquerda e dos separatistas.
• Tamén en setembro de 2019 Feijóo apoiaba un pacto entre o PP e o PSOE, rechazando calquera pacto con Vox. ¿E agora di que necesita ós votantes de Vox para frear ó PSOE?
• En novembro de 2019 el PP apoiou unha proposta da ultraesquerda no Parlamento galego para impoñer educación sexual dende os 3 anos. A moción fora presentada polo Grupo Común da Esquerda, que inclúe a varios partidos de extrema esquerda, entre eles Podemos e Esquerda Unida.

Se Vox ten representación o PP terá que rectificar a súa deriva progre

Se o PP perde a maioría absoluta en Galicia é porque Feijóo se votou nos brazos da esquerda, e só el terá a culpa. O que é unha tomadura de pelo é que un partido se adique a pedir o apoio dos seus votantes para frear á esquerda, para despois apoiar á esquerda en cuestións como as que acabamos de ver. Pero o colmo da tomadura de pelo é que despois de todas esas alianzas do PP coa esquerda, agora Feijóo veña a acusar a Vox de coincidir "cos obxectivos de Podemos, os independentistas, os nacionalistas e os socialistas". O dito: fai falla ter cara, e hai que tela moi dura, para soltar esas cousas, como se os seus votantes non tivesen memoria. Persoalmente espero que o PP necesite a Vox para gobernar en Galicia e que ese pacto obrigue a Feijóo a rectificar a disparatada deriva progre e nacionalista que tomou dende fai años. Aínda que visto o visto, ideolóxicamente falando vexo máis probable que pida o apoio do PSOE para gobernar antes que amosar un pouco de sentidiño e pedírllelo a Vox.

---

Foto: PP de Galicia.