Unha reflexión libre dun galego que non milita nas filas de ningún partido

Os motivos polos que decidín votar a Vox nas eleccións galegas do 12 de xullo

O vindeiro domingo 12 de xullo os españois residentes en Galicia estamos chamados ás urnas para elexir ós nosos representantes no Parlamento galego.

O PP galego apoia á ultraesquerda para impoñer educación sexual dende os 3 anos
Tras apoiar estas cousas da esquerda agora Feijóo apela ó medo dos votantes de Vox

Ese día elexirei a papeleta de Vox por varios motivos:

1. Porque como galego hispanofalante síntome preocupado pola deriva excluínte do PP de Feijóo cara á miña lingua materna. Pasou de prometer a liberdade lingüística na campaña das eleccións galegas de 2009 (eu lle votei entón pensando que cumpliría esa promesa, cousa que non fixo) a votar a favor da marxinación ilegal do español (como fixo en Ferrol e en Cerdedo-Cotobade) e mesmo prohibir o seu uso por escrito a un profesor nas súas comunicacións internas nun conservatorio público. Tan preciosa é a lingua galega como a española. Basta xa de utilizar as linguas para dividirnos e enfrentarnos.

2. Porque amo a Galicia e amo a España, e non podo compartir a tendencia nacionalista que está a adoptar o PP en Galicia, con feitos como regalar dúas alcaldías ó BNG -o socio galego de Bildu- nas últimas eleccións locais e con declaracións como as que se poden escoitar neste vídeo:

3. Porque defendo o dereito constitucional dos pais a elexir a educación que prefiren para ós seus fillos (amparado polo Artículo 27 da nosa Carta Magna) e polo tanto non podo depositar a miña confianza nun PP que o pasado mes de novembro apoiou unha proposta da extrema esquerda para impoñer educación sexual ós nenos dende os 3 anos, unha forma repugnante de corromper ós máis pequenos e roubarlles a súa inocencia; un PP que en 2014 apoiou unha lei LGTB que impón a ideoloxía de xénero nas escolas, lei que o PP aprobou xunto ó PSOE, a extrema esquerda e os separatistas.

4. Porque creo que a vida humana debe ser protexida dende os seus inicios, e moi especialmente a vida dos máis débiles e indefensos -que son os fillos por nacer-, e polo tanto en conciencia non podo votar a un señor como Feijóo, que apoiou manter a actual lei do aborto, que establece un aberrante dereito a matar a eses pequenos inocentes ós que precisamente máis deberiamos protexer.

5. Porque creo que debemos esixir honradez ós nosos políticos, o cal implica que digan a verdade e cumplan as súas promesas. Como xa sinalei, en 2009 votei ó PP crendo que Feijóo cumpriría a súa promesa de liberdade lingüística, e ós poucos meses de gañar as eleccións con maioría absoluta, Feijóo traicionou o prometido. Négome a premiar co meu voto a un político que xa me enganou unha vez. Négome a axudar a consolidar a perniciosa idea de que é normal que os políticos mintan para conseguir votos, e que ante iso o único que podemos facer os votantes é fastidiarnos.

6. Porque Vox é o partido que máis se identifica coas miñas conviccións e principios, e porque é o único que hoxe por hoxe ten a valentía de enfrentarse ós dogmas ideolóxicos da esquerda, ó consenso progre, á ideoloxía de xénero e á corrección política. En Vox atopo un partido que sabe conciliar o meu amor por España e o meu amor por Galicia sen caer en nacionalismos excluíntes, dende o respeto ás dúas linguas oficiais da miña terra e dende a defensa da liberdade lingüística dos galegos, un dereito ó que os demáis partidos lle deron as costas.

7. Porque estou farto do voto do medo, de votar coa nariz tapada e do mal chamado “voto útil”, que ó final só é útil para que certos políticos se manteñan no cargo á nosa costa. Aínda que a algúns lles pese, quero votar en liberdade e en conciencia, apoiando a opción que máis me convence e que me parece mellor. Négome a deixarme amedrentar por políticos sen escrúpulos que piden votos de centro-dereita baixo a ameaza de que senón gañará a esquerda, para logo facer políticas progres cos nosos votos, ríndose de nós unha e outra vez.

Por suposto, o que acabo de expoñer é o fruto da miña reflexión persoal, sen que ninguén me dicte o que teño que dicir nin o que teño que votar. Non estou afiliado a ningún partido e considérome un home libre e independiente. Sexa cal sexa a túa forma de pensar, anímote a que leas os programas e as propostas dos distintos partidos, a que as valores e decidas se che convencen e se corresponden coas túas inquietudes. Non deixes que ninguén decida por ti e non te deixes dominar polo medo nin as ameazas. Vota en liberdade. Ó nosos pais e avós lles costou moitos esforzos e sacrificios conseguir que en España houbese unha democracia e una convivencia pacífica entre españois. No votemos a perder ese precioso legado.

¡Suscríbete gratis a este blog! Xa somos máis de 5.000

Comentarios (Facebook):

AVISO: o incumprimento das Normas de Participación poderá dar lugar ó bloqueo do infractor, de tal forma que os seus comentarios quedarán ocultos para os demáis lectores.

NOTA: Debido ó cambio de URL de http a https, algúns comentarios publicados antes do 9.2.2020 no blog poden terse perdido. Lamento as molestias.

Opina sobre esta entrada:

Ó pulsar 'Enviar' aceptas as Normas de Participación.